ಕಾಗದ ಬಂತು ಕಾಗದ

ತೀರ್ಥರೂಪು ತಂದೆಯವರಿಗೆ, ಮಾತೃಶ್ರೀ ತಾಯಿಯವರಿಗೆ, ಶ್ರೀ, ಕ್ಷೇಮ, ಪ್ರೀತಿಯ ತಂಗಿಗೆ, ಯಾಕ್ರೀ ನೆನಪು ಬರ್ತ ಇಲ್ವಾ , ಸಾಮಾನ್ಯವಾಗಿ ೧೯೮೫ ರ ನಂತರ ಹುಟ್ಟಿರುವರಿಗೆ ಈ ಪದಗಳು ಲ್ಯಾಟಿನ್ ತರ ಕೆಳಿಸ್ತವೆ, ಯಾಕಂದ್ರೆ ೯೦ ರ ಹೊತ್ತಿಗೆಲ್ಲ ಇಮೇಲ್ ಬಂದು ಕೂತಿತ್ತು, ಅಲ್ಲಿಂದ ಮುಂದಕ್ಕೆ ನಿಮಗೆಲ್ಲ ಗೊತ್ತೇ ಇದೆ. ಈ ಕಾಗದ ಅನೋದು ಎಷ್ಟೊಂದು ಹಳೆಯ ಸಂಸ್ಕೃತಿಯ ಪ್ರತೀಕವಾಗಿ ನಮ್ಮೊಂದಿಗಿತಲ್ವ , ಎಲ್ಲಿಗೆ ಹೋಯ್ತು ಆ ಚಡಪಡಿಕೆ ಆ ಕಾತುರ , ಕಾಗದ ಬಂದೊಡನೆ ಯಾರಿಂದ ಬಂದಿದೆ ಅನ್ನೋ ಕುತೂಹಲ, ಇಂತಿ ನಿಮ್ಮ ಪ್ರೀತಿಯ, ಎಲ್ಲೋಯ್ತ್ರಿ ಈ ಪದಗಳೆಲ್ಲ , ನೀವು ಇವತ್ತು ಕಲಿಸೋ ಇಮೈಲ್ನಲ್ಲಿ ಇದ್ನೆಲ್ಲ ಬರೀತೀರೇನ್ರಿ . ಒಂದೇ ಒಂದು ಸಾರಿ ವಾಪಾಸ್ ಹೋಗಣ ಕಣ್ರೀ, ಒಂದೇ ಒಂದ್ಸಲ ಪ್ರಯತ್ನ ಪಡೋಣ, ಮರೆತುಬಿಡ್ರಿ ಈ ಇಮೇಲ್ , ಸಂಸ್, ಎಲ್ಲ ಮರೆಯೋಣ, ಒಂದೇ ಒಂದು ವಾರಕ್ಕಾಗಿ ಮರೆಯೋಣ. ಪೋಸ್ಟ್ ಆಫೀಸೆಗೋಗಿ ಒಂದ್ ೫ ಇನ್ಲ್ಯಾಂಡ್ ಲೆಟರ್ ತರೋಣ ಆಗ ನೋಡ್ರಿ ಮಜಾ, ಯಾರಿಗ ಬರೀಬೇಕು ಅನ್ನೋದೇ ದೊಡ್ಡ ದರ್ಮ ಸಂಕಟ ಅಂಗು ಇಂಗು ಮಾಡಿ ಒಂದ್ ೫ ಜನರ ಲಿಸ್ಟ್ ಮಾಡಿದ್ರಿ ಅಂತ ಇಟ್ಕೊಳ್ಳಿ , ಅವ್ರ ಅಂಚೆ ವಿಳಾಸ ಇದೆಯೇನ್ರಿ , ಮತ್ತೆ ಕಾಗದ ಎಲ್ಲಿಗೆ ಕಲಿಸೋದು, ಒಮ್ಮೆ ಯೋಚನೆ ಮಾಡಿ ಸ್ನೇಹಿತರೆ ಓಡುವ ಆತುರದಲ್ಲಿ ನಾವೆಷ್ಟು ಮರಿತಿದೇವೆ. ಬೇಡ ಸ್ವಲ್ಪ ನಮ್ಮ ಸ್ವಂತಿಕೆಯನ್ನು ಊಳಿಸಿಕೊಳ್ಳೋಣ, ಏನಾದ್ರು ಅಂದ್ಕೊಳ್ಳಿ ಈ ವಾರ ಗ್ಯಾರಂಟಿ ೫ ಪತ್ರ ಬರ್ದೇ ಬರೀತೀನಿ, ಒಮ್ಮೆ ಯೋಚಿಸಿ ನೋಡಿ ರಿಸೀವ್ ಮಾಡದೋರ ಕುತೂಹಲ ಹೆಂಗಿರುತ್ತೆ ಅಂತ. 

ಇಂತಿ ನಿಮ್ಮ ಶ್ರೇಯೋಭಿಲಾಷಿ 

"ವಿಹಾರಿ"